Ekonomia -
Bilbo Udala
Urtean zazpi jaiegunetan irekitzeko baimena jaso dute Bilboko dendek
Bilboko Osoko Bilkurak zazpi jaiegun horiek zehaztu ditu: Maiatzak 6, Uztailak 1, Azaroak 1 eta Abenduaren 8, 16, 23 eta 30a.
Erredakzioa
Bizkaiko hiriburuko dendek urtean zazpi jaiegunetan zabaltzeko baimena jaso dute gaur Bilboko Udaletik. EAJk, PPk eta PSEk onartutako ekimena izan da, Bilboko Osoko Bilkuran.
PPren proposamena onartu dute Osoko Bilkuran, eta jeltzaleek eta sozialistek onetsi dute. Bilboko Osoko Bilkurak zazpi jaiegun horiek zehaztu ditu: Maiatzak 6, Uztailak 1, Azaroak 1 eta Abenduaren 8, 16, 23 eta 30a.
Sindikatuak erabakiaren aurka agertu dira, langileek ez ezik merkatariek ere ez dutela nahi argudiatuz.
Bozketa egin duten ordu berean, ELAk eta LABek protesta egin dute kalean. Sindikatuen iritziz, jaiegunetan irekiz, ez da ekonomia suspertuko eta "lan eskubideak urratuko dira".
Jaiegunetan irekitzearen aurka manifestazio bat egingo dute sindikatuek martxoaren 11an.
