Oleagak bilera batera deitu ditu Metroko langileen ordezkariak

Bilboko metroko zuzendaritzak bilera batera deitu ditu enpresa batzordeko ordezkariak, LAB sindikatuak jakinarazi duenez. Bilera bihar egingo dute.

Txema Oleaga aste honetan bertan izandatu dute Metro Bilbaoko presidente, Loly de Juanek dimisioa aurkeztu ondoren. Olegak Twitterren esan duenez, langileek aurkeztutako arazoei "irtenbidea" emateko "borondatea" du.

LAB sindikatuak azaldu duenez, langileek ez dakite bilera zertarako den baina baliteke Txema Oleagaren aurkezpena egiteko izatea, sindikatuaren iritziz.

Datorren asteazkenean, hilak 28, elkarretaratzea egingo dute, Metro Bilbaoko egoitzaren aurrean, goizeko 10:30etan.