Metro Bilbaok zerbitzuaren % 48 eskaini du asteazkeneko lanuztean

Metro Bilbaok zerbitzuen % 48 eskaini ditu asteazken honetako aurreikusitako lanuzteetan, Iñaki Prego Metro Bilbaoko kontseilari delegatuak jakitera eman duenez. Gainera, aurreko eguneko lanuzteekin alderatuta, langileen % 10 gutxiagok parte hartu du greban. Halaber, Metro Bilbaoko zuzendariak gogoratu duenez, bi ordutako lanuzteetarako zerbitzu minimoak % 30ean zehaztu zituzten.

Basauriko geltokia berria dela eta, langilegiaren berrantolaketari dagokionez, ELA, LAB, UGT, CIM eta ESK sindikatuak ez daude ados Metro Bilbaoko zuzendaritzaren proposamenekin. Hori dela eta, langileek maiatzaren 25etik zazpi egunetan zehar lanuzteak egin dituzte.

Bere aldarrikapenak idatzita eta publikoki aurkezteko eskatu dio Pregok enpresa-batzordeari. Honen iritzian, sindikatuek "gardentasun falta" dute, bai Metro Bilbaoko langileekin baita gizartearekin ere. Pregoren esanetan, egungo krisi ekonomikoa dela eta, langileen eskaerak "itxurazkoak" dira.

Ostegun honetan, batzorde teknikoak geltokien ikuskatzaileen txanden egutegia zehaztuko du eta proposamen bat aurkeztuko die enpresak langileen ordezkariei. Kontseilari aholkulariak dioenez, "gatazkari amaiera emateko oinarri teknikoak, objektiboak eta errealak" dituzten txandak izango dira.