Ekonomia -
Lan-gatazka
Metro Bilbaok lehenengo lanuzte eguna deitu du astezken honetarako
Metroko langileek lanuzteak egingo dituzte asteazkenean eta datozen ekainaren 1ean eta 7an, "akordioak ez betetzeagatik eta eskubide sindikalen murrizketagatik" protesta egiteko.
Erredakzioa
Metro Bilbaoko langileek lehenengo lanuzte eguna deitu dute asteazken honetarako, enpresaren zuzendaritzak "hitzartutako akordioak bete ez eta eskubide sindikalak murriztu nahi dituelako". Langileek azpimarratu dutenez, "enpresaren langile kopuruari buruz hartutako akordioak ez dira betetzen ari". Gainera, "libre dauden lanpostuetarako ez dituzte langile berriak kontratatu".
Enpresa-batzordeak salatu duenez, zuzendaritza "gidatze txandak eta bonusen aplikazioak inposatzen ari da".
Preco bitartekaritza lanak egin dituen erakundearekin izandako bileran aipatutako gaiak aztertu zituzten. Hortik ateratako proposamena batzordeetara eraman zuten baina langileek ez zuten onartu eta hori dela eta, aurrera jarraitu dute lanuzteen deialdiarekin.
Iturri sindikalek baieztatu dutenez, "zuzendaritzaren jarrerarekin langileak aspertuta daude" eta ondorioz, lanuzteen jarraipena zabala izatea espero dute. Horrela, lanuzte eguna deitu dituzte asteazken honetarako, maiatzaren 25ean, eta datozen ekainaren 1erako eta 7rako, 06:30etatik 08:30ak arte eta arratsaldean ordu tarte berean.
