Manifestazio baketsua egin dute 'txaleko horiek', segurtasun neurri handien artean
Milaka 'txaleko hori' manifestatu dira larunbat honetan berriro Frantziako hiriburuan, Poliziak zabaldutako segurtasun neurri handien artean. Parisen ez da istilu larririk jazo. Montpellierren (hegoaldean) eta Lyonen (ekialdean), ordea, hainbat liskar izan dira. Tokiko 16:00ak inguru (15:00etan GMT orduan) Poliziaren eta manifestarien arteko istiluak izan dira Montpellierreko Komeria plazan eta inguruetan. Manifestariak sakabanatzeko gas negar-eragilea bota dute poliziek.
Denfert Rocherauko plazaren eta Bihotz Sakratuaren basilikaren arteko manifestazioa egiteko baimena eskatuta zuten antolatzaileek, eta era baketsuan egin dute martxa. Ibilbidean zehar ehunka agente zabaldu dituzte. "Ez gara terroristak, zailtasunak dituen herria baizik" eta "5 milioi txiro eta 40 aberats: horra hor indarkeria" izan dira pankarteetako lelo bi.
Ezkerreko eta mutur ezkerreko alderdietako hainbat buruk parte hartu dute manifestazioan, tartean, Frantzia Intsumiso alderdiko buruzagia den Jean-Luc Melenchonek.
Frantziako 15 bat hirietako erdiguneetan manifestazioak egitea debekatu du Frantziako Gobernuak: Parisen, esaterako, Eliseo Zelaietako etorbidean, Eliseo Jauregitik gertuko zonaldeetan eta Batzorde Nazionalean. Debekatutako tokietan elkarretaratzea egitea 135 eurorainoko isunekin zigortuta dago.
Horrez gain, poliziak eta gendarmeak manifestazioetara bidali ditu Frantziako Gobernuak eta, eraikin publikoak zaintzeko, terrorismoaren aurkako Sentinelle taldeko militarrak zabaldu ditu. Erabaki horrek hautsak harrotu ditu herrialdean.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.