Bat-egitea, EAEko aurrezki-kutxen agintarien aspaldiko helburua

2005ean hiru aurrezki-kutxetako presidenteek bat-egitea bideratzeko lehen saiakera serioa egin zuten, baina Arabako PPren oposizioa aurkitu zuen ekimenak. Bat-egitearekin Vital Kutxak nortasuna galduko zuela uste zuen PPk. Ondoren, 2008an, BBK eta Kutxa aldebiko bat-egitea gauzatzeko zorian izan ziren. Bizkaiko aurrezki-kutxak bat-egitea onartu ostean, Gipuzkoako entitatearen batzarrak ez zuen beharrezko gehiengorik lortu fusioa onartzeko. Kutxaren batzarrean aldeko 63 boto, 33 kontra eta lau abstentzio izan ziren. Batzarraren bi herenak ekimena babestea ez zuten lortu, ondorioz, Kutxak bat-egitea galarazi zuen. Batzarrean izandako emaitza horrek Gipuzkoako aurrezki-kutxa bat-egite egitasmoetatik aldendu zuen. Egoera iaz aldatu zen, krisiarekin eta Espainiako aurrezki-kutxen arazo ekonomikoekin. Lehenengo, BBK Caja Castilla la Mancha bereganatzen saiatu zen, baina azkenean Cajastur kutxan barneratu zen eta Alacanteko CAM-arekin batera Babes Sistema Instituzional (SIP) bat osatzen saiatu zen, baina azkenean Cajastur-rekin bat egin zuen soilik.

Operazio hori huts egin arren, BBK-k hazteko helburuari eutsi zion, eta Cajasur erosi zuen.

Orduan, BBK-k BBKbank sortu zuen eta Espainiako zortzigarren aurrezki kutxa bihurtu zen, 48.700 milioi euro baino gehiagorekin.

2010eko azken hilabeteetan BBK eta Vital bat-egitea lortzeko harremanetan hasteko prest zeuden berriro, eta Kutxa bat-egitea aztertzeko prest izan zen ere.

Dena den, oztopo politikoek BBKren eta Vitalen arteko bat-egite hotza geldiarazi zuten. Mario Fernandez BBK-ko presidenteak batzar orokorrean jakinarazi zuenez, bat-egitea lortzeko lanean ari ziren. Carlos Zapaterok ere bat-egitearen alde egin zuen.

Orain bat-egitearen alde egin dute hirurek, banku bat sortzeko; horretarako bat-egite hotza erabiliko dute, eta bakoitzak bere marka mantenduko du.