Medikuen sindikatuak uste du 40 plaza 'gutxiegi' direla arazoari aurre egiteko

Euskadiko Sendagileen Sindikatuak adierazi du lehen mailako arretarako Eusko Jaurlaritzak iragarri duen 40 plaza berrien neurria "gutxiegi" dela Osakidetzaren 135 osasun zentroetako arazoari aurre egiteko.

Sindikatuak prentsa-ohar batean azaldu duenez, Osasun Sailak "Aginagako izenez, Frantziatik ekarri" nahi du, lehen mailako arretarako estrategia berria "petatxu" bat delako eta epe motzean "ezer ez duelako konponduko".

Sindikatuaren arabera, lehen mailako arretan dauden "egiturazko arazoak" ez ditu konponduko Jon Darpon Osasun sailburuak asteazkenean aurkeztutako estrategiak, eta Osakidetzako arduradunei "ausart" jokatu beharko lukete.

Darponen dokumentua "asmo adierazpen hutsala eta nahasia" besterik ez omen da, eta "beharrezkoa da arazoari aurre egiteko lehen mailako arretan mediku gehiago kontratatzea, mediku faltagatik sortu baitzen arazoa duela urte batzuk".

Izan ere, BAMEko plazak handitzea edo EHUn Medikuntza Fakultateko plaza kopuru zabaltzeak 5 eta 11 urte barru izango omen dute eragina, hurrenez hurren, beraz, "horrek ez du inola ere konponduko Osasun Zentroetako egungo egoera".

Egitasmo berrian "kontraesanak" daudela iritzi dio sindikatuak, tartean "gaixoen kopurua arrazionalizatzeko eta itxaronaldia murrizteko agendaren eredu aldaketa". "Horrek medikuen lan karga handituko luke, 40 mediku artatzen ari baitira egunean, eta ez 28 edo 29, Osasun Sailak dioen moduan", gaineratu du.