Ekonomia -
Bizkaiko zahar-etxeak
Hainbat abeslari eta sortzailek bat egin dute zahar-etxeetako langileekin
Gari, Bernardo Atxaga, Toti Martínez de Lezea eta Las Fellini, besteak beste, Bilboko ekitaldian izan dira gaur.
Agentziak | Erredakzioa
Hainbat euskal abeslarik eta sortzailek bat egin dute gaur azken 200 egun hauetan Bizkaiko zahar-etxeetako langileak soldata eta lan baldintzak hobetzeko burutzen ari diren borrokarekin: Gari, Bernardo Atxaga, Toti Martinez de Lezea edo Las Fellini, besteak beste.
Horiez gain, Gurutze Beitia aktorearen, Ane Guria rap abeslariaren eta Igor Elortza bertsolariaren babesa ere jaso dute, grebalariak ostiralaz gero Arriaga Plazan egiten ari diren kanpaldian izan baitira.
Bestalde, Las Fellini kabaret bikote bilbotarrak, Hertzainak taldeko Gari abeslariak eta Igor Elortza bertsolariak emanaldiak eskaini dituzte.
Ondoren, Bernardo Atxaga idazle gipuzkoarrak kanpaldiko parte hartzaileei hitz egin die, artisten emanaldian amaitu ostean.
Mobilizazioak
Bizkaiko zahar-etxeetako langileak kanpaldia egiten ari dira ostiralaz gero Bilboko Arriaga Antzokiaren ondoan, lortu nahi dituzten lan hobekuntzak hiritarrei jakinarazteko.
ELA sindikatuaren babesarekin, langileek informazioa eskaintzeko karpa bat jarri zuten. Orduz gero, txandaka ibili dira prosamena martxan mantentzeko, baita gauetan ere.
"Erabiltzaileei merezi duten arreta bermatzeko behar duten gutxieneko laguntza" emateko aldarrikatzen dituzten erreklamazioak kontuan hartzeko eskatu die Bizkaiko zahar-etxeetako langileek Bizkaiko Foru Aldundiari eta sektoreko patronalei.
