Gasteizko zabor-bilketako langileek greba mugagabea deitu dute

Gasteizko kaleak garbitzen dituzten kontratuko enpresa-batzordeak greba mugagabea deitu du martxoaren 6tik aurrera, zerbitzu hau eramaten duen aldi baterako enpresa-elkarteak, FCCk eta GMSMk osatuta, zortzi langile kaleratu dituelako.

Prentsa-ohar batean, CCOO sindikatuak jakitera eman duenez, batzordeak neurri hau hartzea erabaki du, eta astelehenean berretsi beharko dute langileen batzor orokorrean.

Sindikatuak salatu du kaleratzeak arrazoi ekonomikoak eta “langileen absentimo maila altuak” emanda burutu direla.

CCOOren ustez, “gezur latza” da. “Ustezko galera horiek existituz gero, beste kasu askotan bezala, zerbitzuak Administrazioak proposatutako lizitazio prezioetatik oso baxu dauden proposamen ekonomikoak dituzten enpresei eman zaizkielako da”, azaldu du zentralak.

CCOOek gogorarazi du aldi baterako enpresa-elkartea “gatazka” sortzen ari dela duela urte batzuetatik, langileei eskubideak ematea ukatuta. Halaber, EAEko Justizia Auzitegi Nagusiaren epai irmo bat dagoela adierazi du, eta enpresak "behin eta berriz eta arrazoirik gabe" ebazpen judizialak betetzeari uko egin diola gaineratu du.

Greba-deialdia astelehenean aurkeztuko da langileen batzar orokorrean, berresteko, baita batzordeak adostutako gainerako mobilizazioak ere.