Urkulluk lehen sektoreak euskal ekonomian duen 'pisua' nabarmendu du

Iñigo Urkullu lehendakariak lehen sektoreak euskal ekonomian duen "garrantzia" azpimarratu du, "16.000 pertsonari baino gehiagori ematen baitio lana". ENBA Euskal Nekazarien Batasuna nekazari elkartearen 25. urteurrena ospatzeko batzarrean egin ditu adierazpen horiek lehendakariak. Era berean, 2016an sektoreak garapen positiboa izan duela azaldu du, nekazaritza-errentak % 2,5 egin baitu gora.

ENBAren urteroko batzarra gaur egin dute Urnietan (Gipuzkoa), eta lehendakariaz gain, Eusko Jaurlaritzaren eta Gipuzkoako Foru Aldundiaren beste zenbait ordezkari izan dira: Arantxa Tapia Eusko Jaurlaritzaren Ekonomiaren Garapen eta Azpiegitura sailburua, Markel Olano Gipuzkoako ahaldun nagusia eta Iñaki Goenaga ENBAren presidentea, besteak beste.

Azken urtean, sektoreak garapen positiboa izan duela azpimarratu du Urkulluk, nekazaritza-errentak % 2,5 egin baitu gora. Halaber, ENBAren lana ere goraipatu du, "behar berrietara egokitzen ikasi baitu".

Nekazaritza-sektorearen etorkizuneko erronkak ere aipatu ditu, eta belaunaldi-aldaketa bermatu behar du. Eusko Jaurlaritza "lehiakortasuna sendotzeko" laguntzeko prest dagoela adierazi du Urkulluk.