Ekonomia -
Gaur
ACS eta Iberdrolaren arteko gatazka judizialaren lehen jardunaldia
Bi enpresek hasitako gatazka judizialak astelehenean biziko du bigarren jardunaldia Madrilen, ACSren kontuen aurka egin baitzuen Iberdrolak. Kontra-egite hori aztertu beharko du epaitegiak.
Erredakzioa
Iberdrolaren akziodunen azken batzar orokorrean hartutako erabaki guztiak bertan behera uztea eskatu zuen ACS enpresak erreklamazio baten bidez. Gaur asteazkena kexa hori aztertuko du Bilboko Merkataritza-arloko Epaitegiak. ACS eraikitzaileak Iberdrolako administrazio-kontseiluan ordezkari bat izateari uko egin zion konpainia elektrikoaren akziodunen batzar orokorrak.
Bi enpresek hasitako gatazka judizialak astelehenean biziko du bigarren jardunaldia Madrilen, ACSren kontuen aurka egin baitzuen Iberdrolak. Kontra-egitea aztertu beharko du epaitegiak.
Martxoaren 26an izandako Akziodunen Batzar Orokorrean gertatutakoa aztertuko du gaur Bilboko epaitegiak.
Ordezkaria kontseiluan
Egun horretan batzarreko mahaiak ACSren eskakizuna onartu zuen hasiera batean. ACS Iberdrolako % 12aren jabea da. Horrela, Jose Maria Loizaga ACSren ordezkaria izatekoa zen Iberdrolako administrazio-kontseiluan.
Gutxi geroago, Loizaga berehala "kargutik kentzea" eskatu zuen Iberdrolako akziodun batek, bi enpresen arteko interes-gatazka zegoela argudiatuz, izan ere, energia berriztagarrien sektorean edo ingeniaritzan lehian dira.
ACSko ordezkaria kontseilutik at uztea bozkatu zuen batzarrak, eta jarraian, kontseilarien kopurua 15etik 14ra murriztea adostu zuen. Bi akordio horiek bertan behera uztea eskatu zuen ACSk.
ACSk kontra egin ostean, egun batzuk geroago erantzun egin zuen Iberdrolak, eta eraikitzailearen kontuen aurka egin zuen. ACSren Akziodunen Batzar Nagusiak onartutako kontuek araudia urratzen dutela eta finantza-egoeraren irudi zehatza ematen ez dutela salatu zuen Iberdrolak.
