Forondako hegaldiak aurki salgai jartzea aurreikusi du Ryanairrek

Aurreikuspenen arabera, astearte honetan abiatu behar zuen Ryanair enpresak Forondako bidaien salmenta, baina aina azkenean ez da hala izan. Hegaldi merkeak eskaintzen dituen Ryanair Irlandako hegazkin-enpresak Forondako aireportutik (Gasteiz) martxoan abiatuko ditu hegaldi komertzialak. Ia hamar urteren buruan hasiko da berriro operatzen Arabako hiriburutik Europako hainbat hiritara bidaiarik eramanez.

Martxoaren 26tik aurrera, Italiako Bergamo-Milanera doazen hegaldiak aterako dira Gasteiztik ostegunetan eta igandetan. Tenerifera, berriz, asteazken eta larunbatetan joan ahal izango dute hala nahi duten bidaiariek, martxoaren 29an hasita.

Era berean, 2018tik aurrera, Bukarest eta Palma de Mallorcara joateko aukera egongo da, eta 2019an, Malagara joateko hegaldiak aurreikusita ditu Ryanairrek.

Gauzak horrela, hiru urtean bost hegaldi eskainiko ditu Gasteizko Aireportuak. Hegaldi berri horiek ez dituzte guztiak aldi berean ezarriko, laugarren urtean Forondako aireportuaren sendotasuna bermatu ahal izateko.

Konpainia irlandarra Forondan jardundakoa da; 2006an eta 2007an, Gasteiztik Londreserako eta Dublinerako hegaldiak eskaini baitzituen.

INFORMAZIO EGUNERATUA: Ryanair Forondako aireportura itzuliko da martxoaren 26tik aurrera