3.631 pertsonek eman dute izena Ertzaintzaren 26. promoziorako

Ertzaintzaren 26. promozioaren hautaketa prozesuan parte hartzeko 3.631 pertsonek eman dute izena, Eusko Jaurlaritzako Segurtasun Sailak adierazi duenez. Halaber, 2.337 gizonezkoak dira (% 72,6) eta gainontzeko 994 emakumeak (% 27,4). Aurreko promozioen datuekin alderatuta, emakumeen kopurua % 3 igo da.

Era berean, izena eman duten pertsona gehienen jatorria Bizkaia da (% 57), gipuzkoarrak % 24 dira eta Arabakoak % 14. Gainontzeko % 5 Nafarroakoak, Errioxakoak eta Kantabriakoak dira. Gauzak horrela, igoera txikia eman da Bizkaitarren eta Gipuzkoarren izen emateen artean. Arabako parte hartzaileen kasuan ez da aldaketa handirik eman.

Bestalde, % 29k goi mailako teknikaria da edo goi mailako ikasketak burutu ditu, % 20k Batxilergoko titulua du, % 15ek lehen mailako ikasketak, % 9k diplomaturaren bat, % 12 erdi mailako graduko teknikariak da, eta gainontzeko % 15ek lizentziatura bat du.

Lehen probak irailean egingo dira Barakaldoko Bilbao Exhibition Center erakustazokan.