Hau izango da 2017ko lan egutegia, Euskadin

2017ko lan egutegi ofiziala onartuko du gaur, asteartea, Eusko Jaurlaritzak gobernu bileran. 2016ko egutegiarekin alderatuta, ez dago aldaketarik jaiegunei dagokienez.

Guztira, 12 jaiegun ezarriko ditu Jaurlaritzak, baina horiei udalek ezarritako beste bi gaineratu beharko zaie.

Honakoak izango dira jai: urtarrilaren 6a (Errege-eguna), apirilaren 13, 14 eta 17a (Ostegun Santua, Ostiral Santua eta Pazko-astelehena), maiatzaren 1a (Langilearen Eguna), uztailaren 25a (Santiago eguna), abuztuaren 15a (Andre Mariaren Jasokundea), urriaren 12a (Hispanitatea), azaroaren 1a (Santu Guztien eguna), abenduaren 6a (Konstituzio eguna), abenduaren 8a (Andre Mari Sortzez Garbiaren eguna) eta abenduaren 25a (Eguberri eguna).

Hauez gain, jaiegunak izango dira udalek ezarritako beste bi egun. Egutegi ofiziala argitaratu eta biharamunetik, hilabeteko epea dute udalek eskaerak lurralde ordezkaritzan aurkezteko.