Madrilek 319 milioi emango dizkio Kataluniari Likidazio Funtsetik

Soraya Saenz de Santamaria Espainiako Gobernuko presidenteordeak iragarri du gaurtik aurrera 319 milioi euro emango dizkiola Kataluniari azaroko Erkidegoen Likidazio Funtsetik (FLA), eta 101 milioi euro farmazia hornitzaileei ordaintzeko izango direla.

Ministroen Kontseiluaren bileraren osteko prentsaurrekoan azaldu duenez, FLAren barruan dauden erkidegoek hile honi dagozkion 874,91 milioi euroak jasoko dituzte, baita Kataluniak ere.

Izan ere, presidenteordearen arabera, Katalunia dirua jasotzeko "baldintzak betetzen hasi da", eta horregatik jasoko ditu azaroko 319,3 milioi euro.

Diru horren zati handiena, 200 milioi euro, zorrak ordaintzeko izango da, 101,12 farmazia hornitzaileei emateko, eta 7,1 osasun itunak betetzeko.