Iberdrolak 1.920 milioi irabazi ditu jadanik, iaz baino % 7,8 gehiago

1.919,7 milioi euroko mozkina lortu du Iberdrolak urteko lehen bederatzi hilabeteetan; iazko ekitaldian baino % 7,8 gehiago, hain zuzen ere.

Urteko lehen bederatzi hilabeteetan, 23.689,6 milioi euroko salmentak lortu ditu konpainiak, 2014an baino % 6,7 gehiago. Gainera, Iberdrolak bere eraginkortasuna hobetzen jarraitu du, gastu operatiboa % 0,2 jaitsi baita.

Kudeaketak inbertsioak egiteko aukera eman diola goraipatu du konpainiak, eta finantza posizio sendoari eutsi ahal izan dio.

Horrela, Iberdrolak 26.159 milioi euroko zorra zuen 2015eko irailean, 2014ko hirugarren hiruhilekoan baino 94 milioi gutxiagokoa.

2014ko otsailean 2016rako egin zituen aurreikuspenak urtebete lehenago beteko ditu konpainiak.