Ekonomia -
800 milioiren truke
Caixabankek Barclaysen Espainiako sare txikizkaria erosi du
Alabaina, Barclaysek inbertsio banka eta Barclaycard kudeatzen jarraituko du, beraz, Barclays Bank PLCk Espainian jardungo du.
Erredakzioa
Caixabankek Barclays Bank SAU sare txikizkaria, ondareak eta alde korporatiboa kudeatzen duen entitatea erostea adostu du Barclays Bank PLCrekin, 800 milioiren truke.
Ohar baten bidez argitu dutenez, behin betiko salneurria urte amaieran zehaztuko da, Barclays Bank SAUren ondare garbiaren arabera.
2014ko amaieran burutuko dute erosketa, eta horretarako zenbait erakundek baimena eman beharko dute.
Alabaina, Barclaysek inbertsio banka eta Barclaycard kudeatzen jarraituko du, beraz, Barclays Bank PLCk Espainian jardungo du.
Operazioaren bidez, Caixabankek -Isidro Fainek gidatuta- lidertza sendotuko du Espainian, 550.000 bezero berri bere gain hartuta, gehien bat sare txikizkaritik eta banka pribatutik etorritakoak. Gainera, 270 bulego eta 2.400 langile inguru bereganatuko ditu.
