Ekonomia -
Fagor
Catak Edesarentzat duen proiektua 'sendoa' izatea espero du Bizkaiak
Rementeriak azaldu duenez, Aldundiak “oso argi du” irailean bilduko dela katalanekin.
Erredakzioa
Unai Rementeria Bizkaiko Aldundiko Presidentetza diputatuak Catak Edesarentzat duen proiektua “sendoa eta iraunkorra” izatea espero du. Helburu horrekin “guztiaz hitz egiteko” prest azaldu da.
RNEri eskainitako elkarrizketa batean, Rementeriak esan du Bizkaiko foru Aldundia “Catarekin irailean bilduko” dela. “Hori oso argi dugu”, adierazi du.
Bere garaian, Kataluniako konpainiako “arduradunen bat egon ahal izan zela” nabarmendu du adostutako bilera bat zegoela zioena, baina hala ez zela argi utzi du.
Hortik aurrera, Aldundiak Catarekin “eseri” nahi duela azpimarratu du, baita “Euskadirentzat duen industria-proiektua ezagutu ere, baina, batik bat, Edesarentzat Basaurin”. “Industria-proiektu hori ezagutu nahi dugu, eta proiektu sendoa eta iraunkorra izatea nahi dugu”, esan du.
Era zuzenean
Catak Edesaren inguruan dituen asmoei buruz aurreratutako informazioaz galdeginda, Rementeriak azaldu du hori “aurrez aurre entzun nahi” duela, “bilera batean”. “Ez dit balio komunikabide batean irakurtzen denak, 60 lanpostuz edota 65ez ari garen, edota martxoan edo urrian jarriko den martxan”, adierazi du.
