Ekonomia -
Euskal enpresa
Iberdrolak munduko parke eoliko handienetariko bat eraikiko du
Ipar Itsasoko uretan egingo dute, Ingalaterrako uretan, eta 2.700 lanpostu sortuko dituzte.
Erredakzioa
Britainia Handiko Gobernuak azken baimena eman dio Iberdrolak sortutako erakundeari (%50), ScottishPower Renewables eskumendeko sozietatearen bitartez, eta Vattenfall Suediako konpainiari (beste %50), East Anglia One itsas parke eolikoa eraikitzen hasteko. Munduko handienetarikoa izango da.
"Offshore" parkeak 625 milioi euroko inbertsioa (500 milioi libera) ekarriko du gunearen hazkunde ekonomikoan. Ipar itsasoko uretan eraikiko dute eta 1.200 megavatioko potentzia izango du: 820.000 etxebizitza hornituko ditu urtero.
East Anglia One itsas parke eolikoan azken belaunaldiko 240 aerosorgailu izango dira, 300 kilometro kuadroko gune batean, Iberdrolak jakinarazi duenez.
Baimen guztiak jasota, lanak 2017an hastea espero dute eta itsaso zabaleko lanak 2018an etorriko dira. 2019rako energia elektrikoa sortzea espero dute.
2.700 langile inguruk parte hartuko dute eraikitze-lanetan, 1.600 inguru East Anglia eskualdekoak.
