35 urtetik gorakoak Ertzaintzaren azterketan aukeztu ahal izango dira

Poliziaren Euskal Akademiaren Zuzendaritzak 24. Promoziorako sarbiderako probetan izenda eman duten 35 urtetik gorako pertsonen behin-behineko onarpena adostu du ostegun honetan, ondorioz, Barakaldoko BECen uztailaren 25ean egingo diren  lehen azterketetara aurkeztu ahal izango dute.

120 lanpostutarako Ertzaintzaren Lan Eskaintza Publikoan izena eman duten 5.762 pertsonetatik 680k 35 urte baino gehiago dituzte, parte hartu ahal izateko deialdiko oinarriek muga adin horretan jarri arren.

Hautagai taldearen batez besteko adina 41 urtekoa da, eta, gainontzekoena, 29ekoa.

Segurtasun Sailak ohar batean jakitera eman duenez, azterketaren oinarrien aurka aurkeztutako errekurtsoak izan arren, frogetarako egutegiarekin jarraitzen du, eta azterketara aurkeztu diren pertsona guztiek egin ahal izango dute.

Maiatzaren 16an Euskal Herriko Justizia Auzitegi Nagusiak 35 urte baino gehiagoko hautagai bati eman zion arrazoia, frogetan parte hartzeko ezintasunagatik errekurtsoa jarrita, baina hautaketa-prozesua bertan behar uzteko Erne eta SIPE Ertzaintzaren sindikatuen eskaerak ez zituen entzun.

Autoaren aurrean, Malentxo Arruabarrena Ertzaintzako eta Larrialdietako zuzendariak ebazpen bat emango du datorren astean, eta behin-behinean 35 urte baino gehiago dituzten 680 hautagaien izen-ematea formalizatzea onartuko du.