Gobernuak asteazkenean onartuko du Bergarako lotunearen lizitazioa

Mariano Rajoy Gobernuko presidenteak astearte honetan iragarri duenez, bihar Ministroen Kontseiluak Arrasate-Bergara AHTren lotunearen lizitazioa onartuko du.

Kongresuko osoko bilkuran, Aitor Esteban diputatu jeltzaleak egindako galdera bati era horretan erantzun dio, urtarrilaren 22tik 'Euskal Y'-aren "Bergarako korapiloa" "promestu zen bezala" ahalbidetzeko.

Rajoyk azaldu duenez, 'Euskal Y'-arentzako (5.000 milioi baino gehiagoko kostua izango du) instrukzioak eman ditu "aurrekontuen une zail batean", eta ahalik eta azkarren egitea espero duela gaineratu du.

Aitor Esteban harrituta azaldu da Eusko Jaurlaritzak informazio horren berri ez izanaz, baita bi administrazioen arteko "hizketaldirik" ez izateaz ere.

Sustapen Ministerioak Jaurlaritzarekin bildu gabe 'Euskal Y'-a hirietan estaltzeko planetik kanpo geratu denari buruz argitaratutako berrien inguruan hitz egin du. Obra horiek, Udalekin batera egin beharko dituzte.

Euskadik Gobernuaren seriotasun falta deitoratu du

Eusko Jaurlaritzako Ingurumen eta Lurralde Politika Saileko iturriek Gobernu zentralaren seriotasun falta deitoratu dute, abiadura handiko trenaren garapena kudeatzeko garaian.

Eusko Jaurlaritzaren ustez, Gobernu zentrala Europarako "lehentasunezko" azpiegiturarekin egiten ari den kudeaketa "ez da serioa", eta "Parlamentuan erantzunez edota Eusko Jaurlaritzak hala eskatuta" egitea kritikatu du.

Amaiurrek Rajoyri: "Arma gutxiago eta liburu gehiago"

"Arma gutxiago, eta liburu gehiago", esan dio hiru aldiz Xabier Mikel Errekondo Amaiurreko diputatuak Rajoyri astearte honetan Diputatuen Kongresuan egindako osoko bilkuran. Errekondo diputatuak argazki bat erakutsi du guardia zibil bat haur baten ondoan fusil batekin zela bertan, Guardia Zibilak Nafarroako eskola batera egindako bisitan. Rajoyk erantzun du: "Arma gutxiago zeuk esan zeniezaioke ETAri, desegitea ere eskatuz".

Halaber, Mariano Rajoy Gobernuko presidenteak Amaiurri ETAri armak uztea eta behin betiko desegitea eskatzea errepikatu dio.

Presidenteak Mikel Errekondo Kongresuan Amaiurreko diputatu denari erantzun dio, hezkuntza helburuei zer ematen dien galdeginda Guardia Zibilak erakustaldiak egitea haurrekin istiluen aurkako materialarekin, Cintrueningon (Nafarroa) gertatu den bezala.