Blesa: 'Pertsonalki eta profesionalki asko sufritu dut Silvagatik'

Miguel Blesa Caja Madrideko presidente ohiak esan du "asko sufritu" duela "bizitza pertsonal eta profesionalean" Elpidio Jose Silva magistratuak eragindako kalteagatik, berari, familiari eta bere "prestigioari". Epaileak bi aldiz kartzelatu du.

Madrilgo Justizia Auzitegi Nagusian egindako deklarazioan epailearen jarduera deitoratu du, "paroxismora" iritsiz armekin trafikatzea leporatuta, "beste pertsonaia ospetsu batzuekin batera", Jose Maria Aznar Gobernuko presidente ohia tartean sartuz.

Ordu erdi iraun duen deklarazioan, Arturo Beltran auzitegiko presidenteak ikuslego moduan joan den preferentista talde bat bota behar izan du, eta horietako bati 100 euroko isuna jarri du, ordena asaldatzeagatik.

Epailearenganako inolako "sentimendurik" ez

Agerraldiren hasieran, Blesak esan du ez zuela epailearenganako inolako "sentimendurik" edota "aberraziorik", eta horrek akusatuaren erreakzioa eragin du, auzitegiari haren lekukotasuna murriztea eskatuz testimonio faltsu baten delituagatik, haren aurka manifestazio publikoak egin dituelako.

Horregatik, Beltranek azalpen bat eskatu du, eta Blesak erantzun du ekainean Soto del Realeko  kartzelatik irten zenean kazetariei esan ziela "guztia argitzea espero" zuela, eta "inpartziala zen epaile bat nahi" zuela, "ordura arte izan ez" zuena.

Ondoren,  Blesak "ea hau jatetxe bat zen eta epailea aukeratzeko menu bat zegoela pentsatzen al zuen" esan zien Silvak komunikabideei.