BECen produktibitatea igo da azken urtean

Arantza Tapia Garapen Ekonomiko eta Lehiakortasun sailburuak astelehen honetan azaldu duenez, Bilbao Exhibition Centerreko (BEC) Lehiakortasun eta Jasangarritasun Planak azpiegitura horren produktibitatea igotzea ahalbidetu du, halere, egoera "zailetik" irten ez dela gaineratu du.

Sailburuak agerraldia egin du Legebiltzarrean dagokion batzordean, Vicente Reyes sozialistaren galderei erantzuteko, BECen "defizit iraunkorrari" eta mantentzen duen "zor handiari" buruz arreta piztu du horrek. Gai horiek azoka-lekuak "gaur egun dagoen bezala aurrera egitea oso zaila" egiten dutela nabarmendu du.

Tapiak azaldu duenez, BECen 2013ko kontuak oraindik itxi gabe daude, eta martxan jarritako neurriek "hobetze zantzuak" begiztatzea ahalbidetu dutela azpimarratu du. Hobetze horien artean hainbat erakundek parte hartu dute, besteak beste, Eusko Jaurlaritzak eta Bizkaiko Aldundiak.

"Bide onean gaude, baina hasi besterik ez gara egin. Datuek urte honetan egindako lanak plana zorrotz jarraituz helburuak betetzen ari direla erakutsi dute", adierazi du.

Horren haritik, orain arte hartutako neurriek BECen "produktibitatea igotzea" eragin dutela azaldu du. 400 milioi euroko zorra du, baina emaitzek 2016an oreka operatiboa lortzea, planaren helburua, ahalbidetuko dutela gaineratu du.