Bizkaiko anbulantzien estatuko hitzarmena aplikatzea baliogabetu dute

Bizkaiko 5 zenbakiko gizarte arloko epaitegiak baliogabetu egin du Bizkaia SAMU LS-ren anbulantzia enpresaren estatuko hitzarmena aplikatzeko erabakia, eta berritu gabeko hitzarmenek indarrean jarraitzen duten epaia eman du.

SAMU SL-ko lan-baldintzak uztailera arte anbulantzien efikazia orokorreko probintzia hitzarmenak zuzentzen zuen. Horrek enpresako 29 langileri eragiten zien, eta efikazia mugatuko hitzarmena 98 langilerentzat zen.

Uztailean, SAMU SLk, Arabako SAMUk eta Bizkaia Anbulantziak egin zuten moduan, hitzarmen nagusien ultraaktibitatea galdu ostean anbulantzien estatuko hitzarmena aplikatuko zuela jakinarazi zuen. LAB sindikatuak helegitea jarri zion erabaki horri auzitegietan.

Bizkaiko 5 zenbakiko gizarte arloko epaitegiak arrazoia eman dio sindikatuari, bi probintzia-hitzarmen izanda, orokorra eta efikazia mugatukoa, horren arabera, hitzarmen berri bat izan arte luzatu egin behar da. Halaber, "Langileen Estatutuaren ultraaktibitate automatikoarekin nahastu ez behar den klausula" dela azaldu du, eta lan-erreformarekin aldatu egin zela gaineratu du.