Bi enpresak 20 milioi eskaini dituzte Epsilonen instalazioengatik

Arantza Tapia Garapen Ekonomiko eta Lehiakortasun sailburuak iragarri duenez, zenbait enpresa kale egin zuen Epsilon automobil-proiektuaren instalazioak erosteko prest daude, eta bi enpresak hogei milioi inguru eskaini dituzte eraikina eta makinariagatik.

2012an, Kutxabanki 16 milioi euro itzultzeko konpromisoa hartu zuen Eusko Jaurlaritzak, Juan Jose Ibarretxe lehendakariaren Gobernuak Epsiloni eskainitako bermeagatik. Arabako Teknologia Parkean zegoen enpresa, lur jotzera iritsi zen arte.

Tapiak azaldu duenez, 24,4 milioi euroko balioa eman zitzaien instalazioei 2012an. Arabako Teknologia Parkeak 19,6 milioi euro eskaini zizkion Epsilonen hartzekodunen konkurtsoa kudeatzeko izendatu zuten administratzaileari.

19,6 milioi horietatik, 16 bermeari zegozkion, 3,6 lurrari eta gainontzekoa enpresaren makinariari.

Tapia baikor agertu da egoeraren aurrean, eta Teknologia Parkeak itxita dagoen Epsilonen eraikina saltzea edo alokatzea lortuko duela uste du.

Haren aburuz, salmenta ixtean, "ez da galera patrimonialik egongo". Izan ere, 2012an egindako balorazioa 24,4 milioikoa izan zela gogorarazi du.

Tapiak iragarri du Teknologia Parkeak enpresa bat baino gehiagoren eskaintzak jaso dituela eraikina erosteko. Horietatik bik 20 eta 21 milioi euroren truke erosi nahi dituzte instalazioak. Bi enpresa horiek makinaria aurreratuaren arloan jarduten dute.

Bi eskaintza horiez gain, Tecnalia korporazioa eta ingeniaritza, automozio, elikadura eta elementu elektrikoen arloko zenbait enpresa ere instalazioen zenbait zati erosteko prest agertu dira.