Ekonomia -
Fagor Etxetresnak
Ordainduk bilera eskatu dio Jaurlaritzari, ekarpenak berreskuratzeko
Bazkideen dirua jasotzetzeko, "edozer egiteko prest daudela" esan die Ordaindu plataformako bozeramaileak Mondragon korporazioko arduradunei.
Erredakzioa
Fagor Etxetresnak-eko 200 bazkide inguru biltzen dituen Ordaindu plataformak bilera eskatuko dio Eusko Jaurlaritzari, enpresan egindako kapital-ekarpenak berreskuratzeko. Gainera, Mondragon korporazioari idatzi bat bidaliko diotela adierazi dute plataformako iturriek.
Orain arte Fagor Etxetresnak-eko Artezkaritza-Kontseiluari egindako eskaerek erantzunik izan ez dutela ikusita, Ordainduko Batzordeak iragan astelehenean hartu zuen erabaki hau.
Aipatutako plataformaren arabera, 45 milioi euroko ekarpenak egin dituzte bazkideek, eta horietako askok uztailean eskatu zuten dirua itzultzea.
Guzti horrengatik, Mondragon korporazioari idatzi bat igorriko diote, eta dagozkien "erantzukizunei" aurre egiteko eskatuko diote bertan. Horren harira, erantzukizunak saihestu nahian dabiltzala, salatu du plataformako bozeramaileak.
Gainera, Mondragon korporazioko arduradunei mezu zuzena bidali die, dirua jasotzeko "edozer egiteko prest daudela" argi utziz.
Esan bezala, Eusko Jaurlaritzari bilera aginduko diote, baita Mondragon korporazioari "presioa sartzeko" eskaera luzatu ere.
