Corrugados Azpeitiak falta ziren langileak kaleratu ditu

Gallardo Taldeak kaleratze gutunak eman dizkie oraindik jaso gabe zeuden Corrugados Azpeitiako 50 bat langileri. Beste batek ez du oraindik jaso, baina irailaren 30a baino lehen egingo du.

Auzitegi Nazionalak langileak kaleratzeko urriaren 19ko erregulazio planari buruz esango duenaren zain daude orain Gipuzkoako fabrikako langileak.

Corrugados Azpeitiako 278 langileek fabrikaren itxieraren aurrean "erantzukizunez" jokatzea eskatu diete euskal erakundeei. Enpresak hilabete eta erdi darama jardun gabe.

Esteban Campos enpresa batzordeko kideak azaldu duenez, Eusko Jaurlaritzak enpresa ixtea eragozteko zer egingo duen azaltzeko zain daude. Langileek Gallardo Taldeari 5 milioi euroko diru-laguntza itzultzea eskatu zuten.

Langileek eta sindikatuek etorkizuna zuen enpresa bat "hiltzen uztea" leporatu diote Gallardo Taldeari.