Samaniegon eraikiko dute Vega Siciliaren upategi berria

Vega Siciliaren upategi Berria Samaniegon (Araba) eraikiko dute, Errioxan eraiki beharrean, hasieran hori aurreikusi bazuten ere, Arabako udalerriko alkateak EiTBri baieztatu dionez.

Ardogintza taldeak 23 milioi euroko inbertsioa egingo omen du Samaniegon, eta une honetan eraikitzeko lanak hasteko baimenak jasotzea besterik ez zaio geratzen, eta oso aurreratuta dago prozesu hori, alkatearen esanetan.

PR+ alderdiak (Partido Riojano) jakitera eman duenez, Vega Siciliak 4,5 hektareako lur-saila erabiliko du eta urteko 300.000 ardo botila ekoiztea izango du helburu.

"Benjamin de Rothschild & Vega Sicialia" izango da upategiaren izena, eta aurreikuspenen arabera, 2013an bertan hasiko dituzten eraikuntza lanak.