Ekonomia -
Murrizketen kontrako protesta
Gurutzetako ospitaleko langileak irtenarazi egin dituzte
Ospitaleko zuzendaritzak eskatuta langileak itxialdia bertan behera uztera behartu dituzte, baina ez da istilurik izan, Eusko Jaurlaritzako Segurtasun Sailak jakitera eman duenez.
Erredakzioa
Langileek itxialdia hasi dute asteazken honetan murrizketen aurka protesta egiteko, baina Gurutzetako ospitaletik irtenarazi dituzte, Radio Euskadik jakitera eman duenez.
Ospitaleko zuzendaritzak eskatuta langileak itxialdia bertan behera uztera behartu dituzte gauean, baina ez da istilurik izan, Eusko Jaurlaritzako Segurtasun Sailak jakitera eman duenez.
Carmen Bide langileen ordezkariak utzaraztea salatu du Radio Euskadi irratian. Galdakaoko eta Txagorritxu ospitaletan antzeko itxialdiak hasi dituzte langileek. Lan baldintzek okerrera egin dutela salatzen ari dira.
Langileen ordezkariak ostegun honetan Eusko Jaurlaritzarekin biltzekoak dira, Osakidetzako mahaian.
