Gamesak 659 milioi euroko galerak izan zituen 2012an

Gamesak 2012 urtea 659 milioi euroko galerekin itxi zuen (2011n 51,7 milioiko irabaziak izan zituen), balantzea onbideratzeko plan baten ondorioz, hazkuntza txikiagoa izan zuen aurreikuspenetara eta enpresaren 2013-2015 negozio-planera egokitzeko.

Onbideratzearen zenbatekoa 600 milioi eurokoa izan da, enpresak Balioen Merkatu Nazionaleko Batzordeari aurkeztutako emaitzen arabera. Berregituratze planak fabrikak eta bulegoak ixtea (160 milioi) eta 2.900 pertsona kaleratzea (34 milioi) barne hartu ditu.

Produktu-estrategiaren aldaketa osagaien sinplifikazioan eta homogeneizazioan (127 milioi) oinarritu da, baita izakinak desagertzean (55 milioi) eta beste arrazoi batzuetan ere (33 milioi).

Gamesak azaldu duenez, onbideratze honen bidez, enpresa 2013-2015 negozio-planerako ezarritako errentagarritasuna erregistratzen hasteko prest dago, 495 milioi euroko finantza zor garbiarekin eta bost milioiko esplotazioko mozkin garbiarekin.