Ekonomia -
Bilera
ELA: 'Ez dago aukerarik Jaurlaritzarekin akordiorik lortzeko'
Txiki Muñoz ELAko idazkari orokorrak eta Urkullu lehendakariak bilera egin zuten atzo. "Ezinezkoa da murrizketak egiteaz eta elkarrizketa sozialaz hitz egitea".
Erredakzioa
Iñigo Urkullu lehendakariarekin bilera egin ondoren, Adolfo Muñoz ELAko idazkari orokorrak esan duenez, "ez dago aukerarik Jaurlaritzarekin akordiorik lortzeko".
Bilbon egindako agerraldian, ELAko buruak ohartarazi du "Rajoyren oinarrizko legeak kopiatuz eta itsatsiz" ez duela Jaurlaritzarekin akordiorik sinatuko, ezta funtzio publikoaren inguruan ere.
Ondorioz, ELA ez da elkarrizketa sozialaren mahaian egongo, "kontzeptu hori desnaturalizatuta dagoelako". "Ezinezkoa da 1.200 milioi euroko murrizketa egitea eta elkarrizketa sozialari buruz hitz egitea", adierazi du.
Gizarte politika egin ahal izateko "egoera murriztua" onartu du Jaurlaritzak, Muñozen iritziz, eta, ondorioz, "ezinezkoa izango da ELAk Jaurlaritzaren politika orokorra babestea".
Hala ere, Jaurlaritzarekin "aldebiko elkarrizketak" egiteko prest agertu da sindikatua.
