Goirigolzarri:'Bankiaren errealitatea ukatzeak ez du ezertarako balio'

José Ignacio Goirigolzarri Bankiako presidenteak esan du erakundeko agintea "erantzukizun pertsonal" moduan hartu zuela, eta errealitatea ez ukatzea zela onena oinarritik hasi zela nabarmendu du, iturri judizialek jakitera eman dutenez.

Auzitegi Nazionalean lekuko moduan egindako adierazpenean, Goirigolzarrik azaldu du Luis de Guindos Ekonomia ministroaren dei bat jaso zuen, kargu hori hartzera animatzeko, Rodrigo Ratok dimititu zuen egun berean. Azken horrek ere deitu egin zion, kargua berak hartzea proposatzeko.

Goirigolzarriren arabera, Ratok astebete lehenago deitu zuen, Bankiako kontseilari deleagatu izatea proposatzeko, 2011ko uztailean erakundea burtsara irtetean eskaini zion postu bera.

Azkenean onartu egin zuen, "Espainiako ekonomiarentzat proiektu erabakigarria zelako", bere talde propioa sortzeko "askatasuna" eskatu ostean. Fiskalak zergatik 19.000 milioi euroko onbideratze plana eskatu zuen  galdetu dionean, Goirigolzarrik erantzun du bere kudeaketan "zerotik hasi" behar izan zuela, proiektu hori aurrera eramateaz gin, kontu-ikuskarien oniritziarekin kontu batzuk egin behar zituelako.

“Errealitatea ukatzen jarraitzeak ez du ezertarako balio. Ezin da kurbaren atzera joan. Egun inork zalantzan jartzen ez duen errealismo ariketa egin genuen”, nabarmendu du Goirigolzarrik.

Martxoko kontuak (309 milioiko onurak) bozkatu zituzten aholkulari berdinek maiatzaren 25ekoak (2.979 milioi euroko galerak) onartu zituztela aaldu du, ez zelako irizpide aldaketarik izan, estimazioena baizik.