Krisi Ekonomikoa -
Finantza merkatua
Kutxabankek 128 milioi jarriko ditu gehienez, 'banku txarra' delakoan
Horixe da Sareb edo banku txarrean Santanderrekin, Caixabankekin, Popularrarekin eta Sabadellekin sinatutako akordioan agertzen dena. Diruaren % 25 kapitala izango da eta % 75, berriz, zorra.
Ererdakzioa
Kutxabankek 128 milioi euro jarriko ditu, gehienez, Sareb edo banku txarra delakoan. 128 milioi horiek kapitalaren eta zorraren bitartez jarriko ditu, Baloreen Merkatuko Batzorde Nazionalak aditzera emandakoaren arabera.
Proiektuaren lehenengo etapan, Kutxabankek 15 milioiko kapitala jarriko du, eta gainontzekoa pauso ezberdinetan ordainduko du; gehiena, zorraren bitartez.
Horixe da Sareb edo banku txarrean Santanderrekin, Caixabankekin, Popularrarekin eta Sabadellekin sinatutako akordioan agertzen dena. Inbertsioaren % 25 kapitala izango da eta % 75, berriz, zorra.
Aipatutako finantza-erakundeek 430 milioi jarriko dituzte guztira lehen fasean. BBVAk ez du lehen fase horretan parte hartuko.
FROB
Bankuen Berregituraketa Ordenaturako Funtsak, berriz, 397 milioi euro jarriko ditu banku txarrean. Guztira, banku txarrak 827 milioiko kapitala izango du erakunde nazionalizatuen aktibo toxikoak bereganatzen hasteko. Aktibo horiek Bankiatik, Catalunya Caixatik, Novagaliciatik eta Valnetziako Bankutik jasoko ditu.
