Krisi Ekonomikoa -
Enplegua sortzeko neurriak
OCDEk kenkariak bertan behera utzi eta zergak igotzea eskatu du
Espainiari egindako proposamenetako bat etxebizitza erosteagatik dauden kenkariak bertan behera uztea dago. "Enplegua lehenesteko eta zerga bilketa zuzena mantentzeko gehiago egin liteke", esan du.
Erredakzioa
Ekonomia-Lankidetza eta Garapenerako Erakundeak (OCDE) zergen alorrean aurrera egin, lehenengo etxebizitza erosteagatik dauden kenkariak bertan behera utzi eta kapital aldakorreko inbertsioen sozietateen araudia berraztertzeko eskatu dio Espainiari. Gainera, zergen aplikazioa berriz egituratzea ere proposatu du, enplegua sortzeko helburuarekin.
"Errentaren gaineko zerga zabaltzeak zerga justuago egin, eta sortzen duen distortsioa murrizten lagunduko luke", esan du nazioarteko erakundeak Espainiari buruzko txosten batean. OCDEren arabera, Espainiaren zerga erreformak ekonomia erakundeak egindako proposamenetako batzuk jaso ditu bakarrik, errentaren eta sozietateen gaineko zergak soilik aipatuta.
"Enplegua lehenesteko eta zerga bilketa zuzena mantentzeko gehiago egin daiteke", esan du OCDEk. Gainera, horren ustean, zerga bilketa lanaren gaineko zergak baldintzatuta dago, eta horiek ez dira horren positiboak hazkundea bultzatu eta enplegua sortzeko, eta zerga ez zuzenak dira helburu horiek lortzeko egokienak, horren arabera.
Horrela, OCDEk uste du balizko zerga erreforma baten oinarrian enpresek Gizarte Segurantzari egindako ordainketak murriztea jaso beharko luketela eta garrantzia eman beharko liokela zerga gutxiago ordaintzen duten langileen multzoari, enplegu eskaintza sustatzea beharrezkoagoa delako eta horien soldata malguagoa egin daitekeelako.
Horren ildotik erakunde horrek azpimarratu duenez, enplegua sustatzeko neurriek, epe motzean, eraginkorragoak izan ohi dira, eskaintza sustatzeko asmoz egiten diren neurriak baino, azken horietan denbora gehiago behar izaten delako neurria gauzatzeko, eta, soldata baxuenak dituzten langileei zuzenduta badaude, eraginkorragoak direlako.
