Krisi Ekonomikoa -
Lehen 7 hilabeteen balantzea
Artur Mas: 'Espainiako susperraldiak doinu kataluniarra du'
Generalitateko presidenteak deitoratu egin du Rajoyk Kataluniaren "pisua" ahaztu izana.
Erredakzioa
Artur Mas Kataluniako Generalitateko presidentearen esanetan, Espainiako ekonomiaren susperraldiak "doinu kataluniarra" du, eta hori Espainia osoan ulertu behar dela aldarrikatu du, Kataluniaren aurka "zorrotz" egin ohi dutelako.
"Susperraldi ekonomikoa batik bat Kataluniatik gauzatzen ari da; hori ez da inoiz aipatzen, baina merezi du gogoraraztea eta Espainia osoan ulertzea", esan du, urteko lehen zazpi hilabeteen balantzea egiteko deitutako prentsaurreko batean.
Masek deitoratu egin du Espainiako Gobernua datu ekonomikoekin harro egotea, baina datuotan Kataluniak duen pisua ahaztea.
Aldarrikapen honen adibide, langabeziaren jaitsiera Katalunian Espainiako Estatuko gainerako lurraldeetan baino handiagoa izan dela gogorarazi du Masek.
Generalitatearen presidenteak gogorarazi duenez, Kataluniak inor baino murrizketa gehiago egin ditu eta, hortaz, ezin du gehiagorik egin, eta hori da Gobernu zentralari helarazitako mezua.
"Ahal dugun guztia eta are gehiago egiten ari gara murrizketa berriak ez egitearren", esan du prentsaurrekoan. Gainera, fiskalitatearen gaineko presioa handitu dute, inbertsio berriak moteldu, ondasunak saldu, Generalitatearen zenbait jabego utzi eta funtzionarien soldatak jaitsi, eta horrela orain urte batzuetako aurrekontuen % 20 gutxiagorekin jardun.
"Kataluniak austeritate neurri zorrotzak hartu behar izan ditu, eta orain gehiagorik egin nahi dugula esan dezakegu", Masek azpimarratu duenez. Halaber, egitekotan, oinarrizko gizarte politikak arriskuan jarriko lituzketela esan du, aledia, Ongizate Estatuari dagokionak.
