Espainia % 2,1 haziko da eta langabezia % 24ean kokatuko da 2015ean

Espainako Barne Produktu Gordinak % 1,1eko eta % 2,1eko hazkundeak izango ditu 2014. eta 2015. urteetan, hurrenez hurren, Europar Batzordearen aurreikuspenen arabera.

Estatuko langabezia % 25,5era jaitsiko da aurten, eta % 24ean kokatuko da 2015. urtearen amaieran.

Europar Batzordearen arabera, euroguneko ekonomiak % 1,2 gora egingo du 2014. urtean eta hazkundea % 1,7ekoa izango da datorren urtean.

Datu hauek Espainiako Gobernuaren aurreikuspenak hobetu egin dituzte: Rajoyren Exekutiboak % 1,2eko eta % 1,8ko hazkundeak aurreikusi ditu 2014. eta 2015. urteei begira.

Bestalde, ezarritako defizit-muga bete egingo du Espainiak aurten, baina datorren urtekoa bete ahal izateko neurri gehiago hartu beharko dituela esan du Europar Batzordeak.