Appleren etekin garbiak behera egin du, 11 urtean lehenengo aldiz

Appleren etekin garbiek % 11,2 egin dute behera aurreko urtearen aldean. 2013ko urte fiskala irailaren 30ean amaitu zen, eta aurreko urtean baino irabazi garbi gutxiago bildu zituen. Gainera, azken hiruhilabetean beherakada % 8,6koa izan dela azaldu du teknologia alorreko konpainiak.

Applek, hala ere, 37.037 milioi dolarreko irabaziak izan ditu, eta 170.910 milioi dolarreko diru-sarrerak, 2012an baino % 9,2 gehiago.

Uztaila eta iraila artean, sagarraren enpresak 33,8 milioi iPhone (aurreko urtean baino % 25,6 gehiago), 14,1 milioi iPad (aurreko urtean, 14 milioi) eta 4,6 milioi Mac ordenagailu (aurreko urtean, 4,9 milioi) saldu ditu.