Krisi Ekonomikoa -
Zor publikoari aurre egin
Urduñak kontsultan erabakiko du bainuetxea salduko duen zorra kentzeko
Udalak Diputaziora igorriko duen Aurrekontuen Egonkortasun Planaren baitan, Aduana eraikina saltzeko aukera ahalbidetzen dute.
Erredakzioa
Urduña herri bizkaitarreko Udalak Aduana, bainuetxea dagoen eraikina, saltzeko ideiarekin ados dauden galdetuko die herritarrei, bost milioi euro baino gehiagoko zorra arindu ahal izateko.
Diputazioak berak proposatutako ekimena da, herriak bizi duen egoera zailari konponbidea emateko, eta orain lurralde-administrazioan aurkeztuko duen Aurrekontuen Egonkortasun Planean sartu du Udalak, El Correok zabaldu duenez.
Edonola ere, balizko konponbideak Urduñako herritarren oniritzia beharko du, haiek erabakiko baitute herriaren ondasuna zorra kitatzeko erabili nahi duten.
