Euroguneak atzeraldian jarraitzen du, 16 hilabeteren ondoren

Euroguneak urte t’erdi bete du atzeraldian, Frantzia, Italia eta Espainiaren beherakaden eta Alemaniaren gorakada txikiaren eraginez, gaur Eurostatek iragarritako txostenaren arabera.

Eurostat Europako Estatistika erakundeak Europar Batasuneko ekonomiaren hazkundeaz urteko lehen hiruhilekoaren datuak kaleratu ditu gaur.

Nabarmendu dutenez, Frantzia atzeraldian sartu da, % 0,2ko bigarren beherakadaren ondorioz. Alemanian Barne Produktu Gordina hazi egin da, baina % 0,1 besterik ez.

Euroguneko Barne Pruduktu Gordinak % 0,2 behera egin du 2013ko lehen hiru hilabeteetan, eta aurreko hiruhilekoarekin alderatuz. Europar Batasunak, berriz, % 0,1 atzera egin du.

Aurreko hiruhilekoan, Euroguneko herrialdeen ekonomia % 0,6 jaitsi zen. Atzeraldia izan den seigarren jarraikako hiruhilekoa da (2011. urteko laugarren hiruhilekotik).

Datuak ikusita, Europar Batzordeak esan du Europar Batasun osoan “oinarriko erreformak” aurrera eramateko esfortzuekin jarraitu beharko dutela. “Nahitaezkoa da hazkundea eta enplegua bultzatuko duten neurriak epe labur eta ertzainean martxan jartzea”, adierazi dute.

Eurostaten datuen arabera, urteko lehen hiruhilekoan zazpi izan dira atzeraldian egon diren herrialdeak: Frantzia (bigarrenez %0,2ko jaitsiera), Italia (% 0,5eko jaitsiera), Espainia (% 0,5) eta Holanda ( % 0,1).

Euroguneko daturik txarrena Ziprek izan du, % 1,3ko atzeraldiarekin (aurreko hiruhilekoan % 1,2 jaitsi zen Zipreko ekonomia). Estonian ekonomiak % 1 egin du atzera.

Portugal ere atzeraldian mantendu da (Barne Produktu Gordinak % 0,3 egin du atzera) eta Finlandiak ere datu txarrak izan du: % 0,1 jaitsi da.