Krisi Ekonomikoa -
Espainiako ekonomia
Ekonomiak 2013an % 1,5 behera egitea aurreikusi du Espainiako Bankuak
Ekonomiaren beherakadarekin batera, langabezia tasa ere "nabarmen" handituko da, zehazki % 3,8.
Erredakzioa
Espainiako Bankuaren arabera, Espainiako ekonomiak % 1,5 egingo du behera 2013. urtean. 2014an, ordea, "igoera txiki" bat espero da, Barne Produktu Gordinaren % 0,6 hain zuzen.
Azken txosten ekonomikoan azaltzen denaren arabera, 2013ko BPGaren jaitsierak "langabezia tasa ere nabarmen igotzea" ekarriko du; zehazki, % 3,8koa izango da igoera hor.
2014an lanpostuak sortzen hasiko dira, eta hortaz, langabezia tasa "pixka bat" hobetzen hasiko da.
Testuinguru horretan, barne eskaria % 4,3 jaitsiko dela aurreikusi du Espainiako Bankuak; 2012an % 3,9 egin zuen behera. Kontsumo pribatua % 3 jaistearen ondorio izango da, soldaten murrizketa dela eta.
Bestalde, etxebizitzako inbertsioak behera egingo du seigarrenez jarraian, 2012an baino gehiago, zehazki % 10.
Enpresen inbertsioa % 5 jaitsiko da, nahiz eta urteko bigarren zatian, jaitsiera "baretu" daitekeen, esportazioen jardueraren dinamismoagatik.
Kanpo sektoreari dagokionez, esportazioak % 3,8 haziko dira.
