Defizit-muga betetzeko 'bidean' daude Euskadi eta Nafarroa

2012ko lehen hiruhilekoak utzitako datuak kontuan hartuta, Euskadi eta Nafarroa 2012rako adostutako % 1,5eko ''defizit-muga betetzeko bidean egon daitezkeela'' uste du Ogasun Ministerioak.

Cristobal Montoro buru duen Ministerioak kaleratutako txosten baten arabera, 2012ko hirugarren hiruhilekoan BPGaren % 0,55eko superabita izan zuen Euskadik, aurrekontu datuak oinarri hartuta. Estatu mailako kontabilitate terminoetan, berriz, BPGaren % 0,25ekoa izan zen superabit hori.

Nafarroak, aldiz, % 0,99ko defizita izan zuen, aurrekontu datuak oinarri hartuta, eta % 2,04koa Estatu mailako kontabilitate terminoetan. Hala ere, Nafarroa defizit-muga betetzeko ''bidean'' dago, Nafarroan kudeaketa irizpide tarte ezberdinak kontuan hartzen dituztenez bertako datuak ezin baitira beste erkidegoetako datuekin zuzenean alderatu.

7 erkidego ez dira ari muga betetzen

Ogasun Ministerioak ohartarazi duenez, Andaluzia, Murtzia, Valentzia, Extremadura, Gaztela- Mantxa, Kanariak eta Balearrak ez dira ari defizit-muga mantentzeko adostutako planak betetzen.