Fagor -
Krisia Fagorren
Hartzekodunen konkurtsoa, Grumal eta Proiek Fagorren filialentzat
Grumal eta Proiek Azpeitian eta Bilbon Fagor Etxetresnakek dituen filialak dira, hurrenez hurren.
Erredakzioa
Fagor Etxetresnakek hartzekodunen konkurtsoa eskatu du Grumal (Azpeitia) eta Proiek (Bilbo) filialentzat, kooperatibako iturriek jakitera eman dutenez.
Donostiako merkataritza-arloko epaitegian egin dute eskaera, Fagor Mastercook (Polonia) eta Fagor Ireland (Irlanda) filialekin egin zuten bezala.
Horrenbestez, amitutzat eman daiteke Fagor Etxetresnaki eta haren filial guztiei zuzendutako hartzekodunen konkurtsorako prozesua.
Oraingoz, Donostiako epaitegiak ondoko eskaerak onartu ditu tramitera: Fagor Etxetresnakena, Fagor Mastercookena eta Fagor Irelandena. Basauriko Edesari, Grumali eta Proieki lotutako eskaerak datozen asteetan onartuko ditu.
