Alokairuko neska-laguna Facebooken, 5 dolarren truke

GirlfriendHire.com webguneak neska edo mutil-lagunak alokatzeko zerbitzua eskaintzen du. Bost dolarren truke, Facebook sare sozialeko horman amodiozko mezuak idazten dira edo argazkiak bidaltzen dira. Gainera, etxeko lanak egiteko laguntza ere eskaintzen da.

Webguneko sortzailea 22 urteko gaztea da, Cody Krecicki, eta neskak "euren nagusiak" izateko pentsatuta dagoen zerbitzua dela adierazi du. Era honetan, ikasten ari diren bitartean, dirua irabazteko aukera dela nabarmendu du.

Ziberbikotekideak edukitzeko zerbitzuak ugaritu egin dira azken urteotan Interneten, eta mezu elektronikoak edo mugikorreko mezuak bidaltzen dituztenak ere, badaude dagoeneko.

GirlfriendHire.com webgunean agertzen den hautagai bakoitzak ezartzen du lan egiteko modua, hau da, nolako mezuak bidaliko dituen edo zenbat egunez izango den ziberbikotekidea. Behin "lana" amaituta, dirua, bakoitzaren PayPal kontuan sartzen da.