Politika -
IRUÑEA
Ibarrolak "aldi baterako" eten du aparkalekuen proiektua, babesak lortu arte
Zangoza kalearen azpian lurpeko aparkaleku bat eraikitzeko eta Gurutzeko Plaza urbanizatzeko proiektuak herritar batzuen protestak jaso dituenez, udalak bertan behera uztea erabaki du.
EITB MEDIA
Cristina Ibarrola Iruñeko alkateak Zangoza kalearen azpian lurpeko aparkaleku bat eraikitzeko eta Gurutzeko Plaza urbanizatzeko proiektua "aldi baterako" bertan behera utziko duela iragarri du, aurrera ateratzeko "herritarren eta politikarien babesa" lortu arte.
Zenbait herritarren elkarretaratze eta protestek —Ibarrolak EH Bilduri egozten dizkio— erabaki "oso hausnartu eta arduratsu" hori hartzera behartu du Iruñeko Udala. Izan ere, UPN gehiengo osorik gabe gobernatzen ari da —9 zinegotzi ditu, PPren 2 zinegotziren babesarekin; Bilduren (8), PSNren (5) eta Geroa Bairen (2) oposizioaren aurrean—.
Aparkaleku-zatiaren finantziazioa auzo-ekimen pribatu baten esku zegoen, eta Gurutzeko plazaren berrurbanizazio-zatia, berriz, Udalak ordaindu behar zuen.