Itsasmendiren txakolin mota bat, 2024ko ardo zuririk onena

Itsamendi Artizar txakolinarekin, Itsasmendi upeltegiak Urrezko Bacchus Handia eskuratu du, Madrilen egindako nazioarteko lehiaketa bateko sari nagusia. Gainera, 2024ko ardo zuri onena ere aukeratu dute.

Dastatzaileen Espainiako Batasunak antolatutako lehiaketa horretan beste 73 ardo saritu dira -horietatik 52 espainiarrak-, 18 herrialdetako 1.900 ardo baino gehiagoren artean.

Itsasmendi upeltegiak bere lehen Urrezko Bacchusa lortu zuen 2010ean eta, ordutik, 12 Zilarrezko Bacchus, bost Urrezko Bacchus eta bi Urrezko Bacchus Handi bildu ditu.

Upeltegiaren arabera, sari honekin "Bizkaiko txakolinak nazioarteko aintzatespena lortu du berriro ere", "ardo zuri handien artean leku pribilegiatua" lortzeko.