Zuzenean

Bilatu

Kataluniako Generalitatea

1 / 15 Hurrengoa

Juntsek M12ko atzerriko bozketa errepikatzeko eskatu du, "irregulartasun larriak" atzeman ostean

Publikatuta: 2024/05/18 17:05 (UTC+2) Azken eguneratzea: 2024/05/18 17:59 (UTC+2)

Juntsen arabera, ustez baliogabeak ziren 3.000 boto inguru suntsitu dira, inpugnatzeko epea amaitu baino lehen, eta horrek "arriskuan jartzen ditu herritarren hauteskunde-eskubideak eta hauteskunde-prozesuaren osotasuna".

Puigdemont hasi da Kataluniako Gobernu berria osatzeko urratsak ematen

Publikatuta: 2024/05/16 12:39 (UTC+2) Azken eguneratzea: 2024/05/16 13:08 (UTC+2)

Juntseko presidentegaiak uste du gehiengo sinple batekin agintzeko aukerak badituela. "Salvador Illa PSCko hautagaiak baino aukera gehiago", esan du.

Europako Giza Eskubideen Auzitegiak artxibatu egin du Masek Espainiaren kontra jarritako helegitea

Publikatuta: 2024/05/16 12:14 (UTC+2) Azken eguneratzea: 2024/05/17 08:34 (UTC+2)

2014ko galdeketaren harira Auzitegi Gorenak bi urteko inhabilitazioa ezarri zion Kataluniako presidente izandakoari, eta hark erabaki horren kontrako helegitea jarri zuen Estrasburgon.

Joan Tarda ERCko diputatu ohiak Illa inbestitzearen eta PSCrekin "elkarlanean" aritzearen alde egin du

Publikatuta: 2024/05/15 13:10 (UTC+2) Azken eguneratzea: 2024/05/16 08:34 (UTC+2)

"Alderdi sozialistak onartu behar du independentismorik gabe konponbiderik ez dagoela, eta independentismoak onartu behar du ez dagoela konponbiderik PSC gabe", azpimarratu du Tardak.

ERCk "datozen asteetan" erabakiko ditu Kataluniako hauteskunde emaitzen ondoren eman beharreko pausoak

Publikatuta: 2024/05/14 14:45 (UTC+2) Azken eguneratzea: 2024/05/14 15:09 (UTC+2)

Alderdi errepublikanoak alternatiba bat proposatzeko deia egin die Kataluniako Gobernua "inpugnatu" zuten alderdiei. Bitartean, Oriol Junqueras ERCko presidenteak alderdiaren lidergoa berresteko hautagaitza aurkeztu du.

PSC ere ERCri begira jarri da, eta Illaren inbestidura ahalbidetzeko eskatu dio

Publikatuta: 2024/05/13 14:06 (UTC+2) Azken eguneratzea: 2024/05/14 09:05 (UTC+2)

Nuria Parlonek esan du inola ere ez diotela Puigdemonten inbestidurari bide emango, baina alderdi guztiekin hitz egiteko prest omen daude, "gorrotoa sustatzen dutenekin izan ezik".

PSC: ''Indar guztiekin negoziatzeko prest gaude, Junts barne, Kataluniako gobernagarritasuna bermatzeko''

Publikatuta: 2024/05/13 13:53 (UTC+2) Azken eguneratzea: 2024/05/13 13:53 (UTC+2)

Nuria Parlon PSCko bozeramaileak aurreratu duenez, alderdi politiko guztiekin hitz egingo dute, Vox eta Aliança Catalana salbu, Salvador Illa buru duen "gehiengo egonkorra" osatzen saiatzeko.

Pere Aragonesek (ERC) politika utziko duela iragarri du, ''erantzukizunagatik eta zintzotasunagatik''

Publikatuta: 2024/05/13 12:58 (UTC+2) Azken eguneratzea: 2024/05/13 12:58 (UTC+2)

Generalitateko jarduneko presidenteak iragarri duenez, ez du diputatu akta jasoko, eta alderdiarekin eta Kataluniarekin duen erantzukizunagatik erabaki du politikaren lehen lerroa uztea.

Puigdemont aurkeztu egingo da inbestidurara, eta ERCren babesa bilatuko du

Publikatuta: 2024/05/13 11:18 (UTC+2) Azken eguneratzea: 2024/05/13 19:17 (UTC+2)

Juntsen buruak uste du gehiengo koherentea izango litzatekeela, eta PSCk baino aukera gehiago izango lituzkeela bigarren bozketan inbestuidura lortzeko.

Eserleku banaketak gehiengo absolutua ematen die ezkerreko alderdiei

Publikatuta: 2024/05/12 23:11 (UTC+2) Azken eguneratzea: 2024/05/13 00:26 (UTC+2)

PSC (42), ERC (20) eta Comuns Sumarren (6) hiruko itun batek 68 eserleku eta, beraz, gehiengo absolutua emango lieke ezkerreko indarrei. Indar independentistak, aldiz, gehiengotik urrun gelditu dira, 59 eserleku lortuta.

Voxek Katalunian izan duen igoera nabarmendu du Garrigak

Publikatuta: 2024/05/12 23:02 (UTC+2) Azken eguneratzea: 2024/05/12 23:02 (UTC+2)

Voxen hautagaiak eskuineko alderdiak izan duen igoera nabarmendu du. Kataluniako parlamentuan 11 ordezkari izango ditu Voxek.

PSCri ematen dio garaipena Kataluniako hauteskundeetan TV3ren inkestak

Publikatuta: 2024/05/12 20:01 (UTC+2) Azken eguneratzea: 2024/05/12 21:22 (UTC+2)

Junts izango da bigarren indarra, eta ERC hirugarrena, horren arabera. Bestalde, PPk eta Voxek lortuko dituzte laugarren eta bosgarren lekuak, hurrenez hurren, Comuns Sumar, CUP-DT eta Aliantza Katalana atzetik dituztela.

Kataluniako hauteskundeetako parte-hartzea % 45,80koa zen 18:00etan, 2021 urteko kopuru ia berdina

Publikatuta: 2024/05/12 13:22 (UTC+2) Azken eguneratzea: 2024/05/12 18:56 (UTC+2)

Azken hauteskundeetako datuaren oso antzekoa da, 0,19 puntu altuagoa. Eguerdiko parte-hartze datua, 13:00etakoa, % 26,9koa zen, 2021ean baino lau puntu handiagoa.

Hauteskundeetan parte-hartzeko deia luzatu die Carrizosak kataluniarrei

Publikatuta: 2024/05/12 17:05 (UTC+2) Azken eguneratzea: 2024/05/12 17:05 (UTC+2)

Carlos Carrizosa, Ciudadanos alderdiko hautagaiak, kataluniar guztiak hauteskundeetan parte-hartzera gonbidatu ditu. "Kataluniako prozesua" gainditzeko deia ere egin du.

Laia Estrada ''sentipen onekin'' iritsi da M12ra, ''ahal den guztia egin ostean''

Publikatuta: 2024/05/12 14:47 (UTC+2) Azken eguneratzea: 2024/05/12 14:47 (UTC+2)

"Gure esku dagoen guztia egin dugu ahalik eta ondoen azaltzeko, klase politikoarekin haserre dagoen herrialde bati itxaropena helarazteko eta ezker independentistak mobilizatzeko, inor etxean gera ez dadin", adierazi du CUPeko zerrendaburuak.

Garriga: ''Katalanak aukera handi honetaz baliatuko dira''

Publikatuta: 2024/05/12 13:39 (UTC+2) Azken eguneratzea: 2024/05/12 13:39 (UTC+2)

"Euren benetako kezkak" aintzat hartzen ez dituzten politikariengatik "abandonatuta sentitzen diren" herritarrak boza ematera animatu ditu Ignacio Garriga Voxeko presidentegaiak.

Albiach: ''Eskuinarekin itunik lotuko ez duen bakarra gu geu gara''

Publikatuta: 2024/05/12 12:16 (UTC+2) Azken eguneratzea: 2024/05/12 12:16 (UTC+2)

Boza ematera joateko deia egin du Jessica Albiach Comuns Sumarreko presidentegaiak, bere hauteslekuan botoa eman ostean, Balmesen.

Illa: ''Katalunian aro berri bat irekiko delakoan nago''

Publikatuta: 2024/05/12 11:13 (UTC+2) Azken eguneratzea: 2024/05/12 11:13 (UTC+2)

Hauteskunde kanpainan erakutsitako "tonu adeitsua" eskertu egin du Salvador Illa PSCren zerrendaburuak, eta boza ematera animatu ditu herritarrak.

Aragones: ''Ziur nago parte-hartze handia izango dela''

Publikatuta: 2024/05/12 11:02 (UTC+2) Azken eguneratzea: 2024/05/12 11:02 (UTC+2)

Pere Aragones Generalitateko egungo presidenteak eta ERCko zerrendaburuak Bartzelonako Joan Coromines de Pineda de Mar institutuan eman du botoa, bere familia alboan zuela.

Puigdemont: ''Erbesteratze askoren azken eguna izatea espero dugu''

Publikatuta: 2024/05/12 11:21 (UTC+2) Azken eguneratzea: 2024/05/12 11:21 (UTC+2)

Hauteskundeetan parte hartzeko deia egin du Carles Puigdemont JxCateko presidentegaiak, Frantziako Roca d 'Alberako gazteluan komunikabideei eskainitako adierazpenetan.

Rodalies zerbitzuaren arazoak, Kataluniako hauteslekuen irekierako gorabehera bakarra

Publikatuta: 2024/05/12 05:00 (UTC+2) Azken eguneratzea: 2024/05/12 10:46 (UTC+2)

5,7 milioi pertsona daude deituta gaur Kataluniako Parlamenturako hauteskundeetan botoa ematera. Inkestek Salvador Illaren PSCren garaipena iragarri dute, baina etorkizuna alderdien arteko itunen araberakoa izango da.

Hauteslekuak ireki dituzte Katalunian, 5,7 milioi herritarrek zirt edo zart egin dezaten

Publikatuta: 2024/05/12 10:28 (UTC+2) Azken eguneratzea: 2024/05/12 10:28 (UTC+2)

Salvador Illa PSCko buruaren garaipena iragarri dute inkestek, baina etorkizuna alderdien arteko itunen araberakoa izango da.

Gerenalitateko presidentegai nagusiek atseden hartzeko probestu dute gogoeta eguna

Publikatuta: 2024/05/11 21:09 (UTC+2) Azken eguneratzea: 2024/05/13 08:44 (UTC+2)

Puigdemonten absentziak markatutako ohiko "familia-argazkia" atera ondoren, familiekin, lagunekin eta zaletasunez gozatzen eman dute eguna zerrendaburuek, hauteskunde egunerako indarrak biltzeko.

Kataluniako indar politikoak zalantzatiak, % 40 inguru, erakartzen saiatu dira kanpainaren amaieran

Publikatuta: 2024/05/10 22:57 (UTC+2) Azken eguneratzea: 2024/05/13 12:47 (UTC+2)

ERC, Junts+, PSC, PPC, Comuns, Vox, CUP, Ciudadanos eta Aliança Catalana indar politikoek azken ekitaldiak egin dituzte igandeko hauteskundeei begira.

Kataluniak bertan behera utzi du lehortearen larrialdi fasea eta uraren erabileraren murrizketak malgutu ditu

Publikatuta: 2024/05/07 14:18 (UTC+2) Azken eguneratzea: 2024/05/07 14:18 (UTC+2)

"Erreserben hazkundeak azken hiru hilabeteetako murrizketak malgutzea, larrialditik ateratzea eta murrizketen zati bat bertan behera uztea ahalbidetzen du, baina lehortea ez da amaitu", iragarri du Patricia Plaja Kataluniako Gobernuko bozeramaileak.

PSCk irabaziko lituzke Kataluniako hauteskundeak, Junts eta ERC ia berdinduta daudelarik, CISen arabera

Publikatuta: 2024/05/06 14:10 (UTC+2) Azken eguneratzea: 2024/05/07 08:35 (UTC+2)

PSCk lehen postua lortuko luke maiatzaren 12an botoen ehunekoari dagokionez, % 29,8 eta % 33,2 artean eskuratuz. Ondoren, Junts (% 15,4-18,1) eta ERC (% 15,2-17,9) alderdiak oso berdinduta egongo lirateke. Bestalde, Kataluniako herritarren % 39,7k oraindik ez dute erabakita botoa.

Gabriel Rufian: "Errespetatzen gaituztenekin negoziatu eta adostu behar du ERCk"

Publikatuta: 2024/05/06 09:44 (UTC+2) Azken eguneratzea: 2024/05/07 08:42 (UTC+2)

Kongresuko bozeramaileak esan du "desberdinen arteko akordioa" dela "oraina eta etorkizuna".

Blokeo arriskuaren aurrean, boto baliagarriaren aldeko deia egin dute Kataluniako hautagaiek

Publikatuta: 2024/05/05 21:51 (UTC+2) Azken eguneratzea: 2024/05/06 08:23 (UTC+2)

Maiatzaren 12ko hauteskundeetarako kanpaina azken txanpa sartu den honetan, inkestek Salvador Illaren PSCri ematen diote garaipena, 39 eserleku lortuta. Indar independentistek 67 diputatu izango lituzkete, gehiengo osoa baino bat gutxiago.

Illak ''erresistentzia kolektiboko mugimendua eratzeko deia'' egin du Sanchezen alde

Publikatuta: 2024/04/25 20:30 (UTC+2) Azken eguneratzea: 2024/04/25 20:30 (UTC+2)

Kataluniako hauteskundeen kanpainaren hasieran, Salvador Illa PSCko buru eta Generalitaterako hautagaiak babesa helarazi dio Pedro Sanchezi, eta "erresistentzia indibidualetik erresistentzia kolektiborako deia" egin du.

Illa, Aragones eta Puigdemonten arteko hiruko lehia erdigunean dela, gauerdian abiatuko da kanpaina Katalunian

Publikatuta: 2024/04/25 07:37 (UTC+2) Azken eguneratzea: 2024/04/25 08:17 (UTC+2)

Gehiengo argirik gabe eta agertoki posible bat baino gehiagorekin, gaur abiatuko da hauteskunde kanpaina Katalunian. Zalantzarik gabe, Sanchezen azken erabakiak izango du eragina.

Beste ikerketa-ildo bat ireki dute CNIk Pegasusekin Aragones zelatatzeko izan zuen papera argitzeko

Publikatuta: 2024/04/19 19:03 (UTC+2) Azken eguneratzea: 2024/04/22 10:05 (UTC+2)

Santiago Garcia Bartzelonako epaileak beste ikerbide bat abiatzea erabaki du, Generalitateko presidentearen ordezkaritza legalak eskatuta. Pieza banandu horretan ikerketak beste hilabete bat (luzagarria) emango du sekretupean.

Bartzelonak babesleku klimatiko izendatuko ditu udal igerilekuak, udan ireki ditzaten

Publikatuta: 2024/04/18 19:54 (UTC+2) Azken eguneratzea: 2024/04/19 09:34 (UTC+2)

Hiriburuko portuan gatzgabetzeko makina flotatzaile bat jarriko du Kataluniako Gobernuak, eta 14,4 hektometro kubiko ur geza emango ditu urtean, metropoli-eremuko urteko kontsumoaren % 6.

Kataluniak muga bat ezarri du turismorako uraren kontsumoan

Publikatuta: 2024/04/16 18:27 (UTC+2) Azken eguneratzea: 2024/04/17 09:37 (UTC+2)

Udan, euskal herritar askok Katalunia aukeratuko dute oporretarako. Turismoari begira, Generalitateak ezarri duenez, larrialdi-eremuetan, turismo-establezimenduek 100 litro baino ezingo dituzte kontsumitu plaza bakoitzeko, ur-eskasia kudeatzeko ahaleginean.

Aragones ziur da erreferendumak "Konstituzioaren aurkakoa izateari utziko" diola, "amnistiak bezala"

Publikatuta: 2024/04/08 11:48 (UTC+2) Azken eguneratzea: 2024/04/09 09:35 (UTC+2)

Hala esan du Generalitateko presidenteak, Espainiako Senatuan gaur egin duen agerraldian. PPk deituta, Erdikego Autonomoen Batzorde Orokorra bildu da gaur, amnistia legearen eragin ekonomikoari buruzko txosten bat onartzeko.

Carles Puigdemont: "Herrialdeari etorkizun hobea izaten laguntzeko behar denaren aurka borrokatzera gatoz"

Publikatuta: 2024/04/06 16:50 (UTC+2) Azken eguneratzea: 2024/04/06 17:17 (UTC+2)

Junts+ alderdiko presidentegaiak "Kataluniako nazioarentzat baliagarria" izango den Kataluniako Gobernua defendatu du, "Kataluniako herritarrak herrialde aske batean bizi direla bermatzeko". Alderdiak maiatzaren 12ko hauteskundeetara aurkeztuko dituen zerrendak aurkeztu ditu Elnan.

Puigdemontek Elnan esan duenez, bera da Estatuari ''planto'' egin diezakiokeen bakarra, Kataluniaren defentsan

Publikatuta: 2024/04/06 15:20 (UTC+2) Azken eguneratzea: 2024/04/08 08:47 (UTC+2)

JxCat-eko presidentegaiak maiatzaren 12ko hauteskundeetarako hautagaitza aurkeztu du, zerrendetako gainerako kideekin batera, Elnako (Ipar Katalunia) eskola zaharretan larunbat honetan egindako ekitaldian parte hartu duten 2.000 pertsona baino gehiagoren aurrean.

PPk Alejandro Fernandez izendatu du Kataluniako hauteskundeetarako presidentegai

Publikatuta: 2024/03/26 16:25 (UTC+1) Azken eguneratzea: 2024/03/26 16:25 (UTC+1)

Dolors Montserrat, berriz, kanpainako batzordeko presidentea izango da. "Berriro, Katalunian konstituzionalismoaren erreferente" izatea nahi du PPk.

Kataluniarentzat "EAEren eta Nafarroaren eredu berezia" defendatu du Aragonesek, "ez gehiago, ez gutxiago"

Publikatuta: 2024/03/25 13:36 (UTC+1) Azken eguneratzea: 2024/03/26 08:12 (UTC+1)

Generalitateko presidentearen aburuz, Katalunia finantzatzeko egin duen proposamenak Espainiako Gobernuaren eta Kataluniako Gobernuaren arteko aldebiko harremana oinarri beharko luke izan.

Puigdemont zerrenda bateratu baten buru izateko prest agertu da, presidente gisa ''itzultzeko''

Publikatuta: 2024/03/21 21:13 (UTC+1) Azken eguneratzea: 2024/03/21 21:13 (UTC+1)

"Ezingo nioke neure buruari azaldu sei urte eta erdi erbestean presidentetza defendatzen eman ondoren, presidentetza hori itzultzea posible egiteko aukera bat ireki den honetan, erantzukizun horri uko egitea erosotasun pertsonaleko arrazoiengatik", adierazi du Puigdemontek.

Pradalesek errespetua eskatu du Ekonomi Itunarentzat, eta erkidegoekin ''solidarioa'' dela azpimarratu du

Publikatuta: 2024/03/20 20:17 (UTC+1) Azken eguneratzea: 2024/03/21 08:56 (UTC+1)

"Ez dugu onartzen elkartasun eza aditzera ematea"; izan ere, "gure biztanleria kontuan hartuta, ekarpen handia egiten dugu", esan du EAJren lehendakarigaiak. Pradalesek Kataluniako Gobernuak EAEko eta Nafarroako ereduetan oinarritutako "finantzaketa berezia" izateko egindako eskaera izan du hizpide.

1 / 15 Hurrengoa