Lara Beriainek 19 urte ditu, Barakaldokoa da, eta bere esanetan, Euskal Herriko ahotsik xarmagarriena du.

Pop musika gustatzen zaio, ingelesez gehienbat. Hala, Amy Winehouse, Ariadna Grande eta Adele ditu erreferente nagusitzat. Rock, folk eta crooner (hau da, emeki abestea) estiloak ere gogoko ditu. Bitxikeria moduan, Kanaria Uharteetako hotel batean crooner estiloko kantuak abesten aritu zen Lara, urtebetez.

Instrumentuei dagokienez, pianoa jotzen du, eta maila profesionaleko ikasketak ditu. Familiatik datorkio zaletasuna, amak eta amonak pianoa jotzen baitute. Horrez gainera, badaki saxofoia apur bat jotzen ere.