Prestaketa

Gyoza orea:

Ontzi batean irina eta gatza jarri eta ur beroa gehitzen joango gara nahasten goazen bitartean, ore hidratatua lortu arte. Mahaian eskuekin landu ore fin bat geratu arte. Plastikozko paperarekin zilindro bat egin. Labanarekin xerrak moztu. Maizena bi aldeetatik jarri eta arrabola edo eskuekin borobiltzen joango gara, fina geratu arte. Erdian betegarriaren koilarakada bat ipini eta ixten joango gara gyoza forma emanez.

Zartagin bat berotu olio pixka batekin eta gyozak gorritu, ondoren perretxiko zopa burduntzi bat gehitu egos daitezen. Tapa jarri.

Txerria eta tipulina:

Ontzi batean osagai guztiak elkartu eta ondo nahastu. Maizena bukaerarako utziko dugu orea lehorra gera dadin. 

Perretxiko sopa:

Eltze batean tipulatxa eta baratxuri atala txikituta oliotan sueztitu. Ondoren, barrengorriak eta shiitakea zatituta gehitu eta erregosi. Oilo salda perretxiko lehorrekin gehitu eta egosten utzi 5 minutuz. Zopa burduntzi bat gyozak egosteko hartu eta beste guztia birrindu krema egin arte.

Perretxiko salteatuak:

Zartagin batean baratxuri txikitua oliotan gorritzen jarri eta perretxikoak bota. Ondo salteatu eta bukaeran GAZITU eta PERREXIL txikitua gainetik bota.

BUKAERA:

Plater batean ohe bat egin saltsarekin. Gainean gyozak eta perretxiko salteatuak jarri.