Prestaketa

Garbure salda:

Garburea egin aurreko gauean, urdaiazpikoaren hezurra eta leka zuriak uretan sartu.

Egun berean, barazkiak garbitu, zuritu eta zatitu. Patatak klaskatuta; azenarioa, arbia eta porrua xerratan eta aza juliana finean. Barazki guztiak janaria prestatzeko gorde.

2,5 litro ur sutan jarri. Urdaiazpikoa, hezurra eta babarrunak, belar-sorta, Ezpelatako piperra, piperbeltz aleak eta iltzeak sartu (bi espezia horiek te-bola baten barruan). 45 minutuz egosten utzi.

Beste eltze batean, ahate-gantza berotu eta porruak gehitu;  pixka bat sueztitzen uzti eta azenarioak eta arbiak gehitu. Dena 30 minutuz su baxuan utzi, kolorerik hartu gabe.

Saldaren zati batekin busti; patatak eta aza gehitu. 30 minutuz sutan utzi.

Urdaiazpikoa saldatik atera, kubotan zatitu eta barazkiei gehitu. Hezurra eta espeziak atera. Babarrunak barazkiei gehitu, behar den saldarekin. Gatza eta piperbeltza bota. Babarrunak 30 minutu gehiago egin, samurrak geratu arte.

Gatzean probatu. Zopak nahiko lodi egon behar du.

Amaitzeko, bi baratxuri-ale ahate-gantzarekin erregosi eta zoparen gainean bota.

Arto ogi-xerrak gurina duen zartagin bero batetik pasako ditugu bi aldetatik, gorritu arte.

Ahate konfitatu bolak:

Ahate izter konfitatuaren haragia eta urdaiazpiko zatiarena desegin eta bola batzuk egingo ditugu, irin eta arrautzetatik pasa eta oliotan frijitu.