Prestaketa

Hanburgesa

Jengibrea birrindu, eta porrua brunoise eran txikitu. Nahastu bol batean oilasko haragi xehatuarekin, eta gehitu ogi-birrindua, arrautza, jengibrea, porrua, gatza eta piperrautsa. Hanburgesak egin, eta hotzean utzi oliotan, herdoildu ez daitezen.

Tomate konfitatuak

Oliba olioa berotzen jarri, belar usaintsu batzuekin, eta Cherry tomateak sartu, bigundu arte; oliotik atera, zuritu, eta berriro oliotan sartu.

Patata frijituak

Patatak azala fina badu, osorik garbitu, zatitu, oliotan sartu bigundu arte,atera eta olioa ondo berotu azkenengo frijitua emateko; paper xurgatzailera atera, eta gatzatu.

Bukaera

Pita ogia zartaginetik pasatu, eta erditik ireki. Behetik hasita bete: 1-tipula gorritua 2-Hanburgesa eta gazta 3-Cherry tomateak 4-Arrautza nahaskia 5-Ziape saltsa eta, azkenik, ogiaren tapa. Ondoan, ontzi batean, patata frijituak jarri.